Bali - Ishulli i Perendive, 4-11 Maj 2027 | Udhëtim i organizuar në grup

BALI – ISHULLI I PERENDIVE 4-11 Maj 2027

Udhetim i organizuar ne grup

📅 Datat & Cmimi:

4-11 Maj 2027 - 2250€/person

Early booking deri ne 15 Dhjetor: 2050€/person

7 dite mes natyres tropikale, tempujve magjike dhe plazheve ekzotike

Pergatituni per nje udhetim te jashtezakonshem drejt nje prej destinacioneve me magjepsese ne bote! Bali, i njohur si Ishulli i Perendive, eshte vendi ku natyra tropikale nderthuret me traditat e lashta, tempujt mistike, tarracat e pafundme te orizit dhe plazhet me ujera te kristalta. Nje destinacion qe te mahnit me ngjyrat, aromat, mikpritjen dhe atmosferen e tij unike.

Gjate ketij udhetimi 7-ditor do te zbulojme ane te ndryshme te ishullit, nga zemra kulturore e Ubudit te tempujt e famshem buze liqeneve dhe oqeanit, nga ujevarat e fshehura mes xhungles te peizazhet spektakolare te Nusa Penida. Do te perjetojme rituale tradicionale, do te shijojme kuzhinen lokale dhe do te admirojme perendime dielli qe mbeten gjate ne kujtese.

Ky eshte nje udhetim per ata qe kerkojne me shume se pushime: nje eksperience qe kombinon aventuren, kulturen, relaksin dhe bukurine natyrore te nje prej ishujve me te veçante te Azise.

1️⃣Dita e pare - Mberritja ne Bali dhe transferimi ne Ubud

Aventura jone fillon me mberritjen ne aeroportin nderkombetar Ngurah Rai te Balit. Pas perfundimit te procedurave te mberritjes, do te pritemi nga perfaqesuesit lokale, me nje mireseardhje tradicionale balineze dhe nje kurore me lule, simbol i mikpritjes se ngrohte te ishullit.

Me pas do te nisemi drejt Ubudit, nje prej zonave me te bukura dhe me autentike te Balit. I rrethuar nga pyje tropikale, fusha te gjelbra orizi, tempuj dhe fshatra tradicionale, Ubud konsiderohet zemra kulturore dhe shpirterore e ishullit.

Pas mberritjes do te bejme sistemimin ne hotel. Pjesa tjeter e dites do te jete e lire per te pushuar pas udhetimit, per te shijuar atmosferen tropikale dhe relaks ne hotel.

2️⃣Dita e dyte - Tempulli Ulun Danu, Handara Gate dhe Tanah Lot

Nje dite mes peizazheve malore, arkitektures tradicionale dhe perendimit mbi oqean.

Pas mengjesit ne hotel, do te nisemi per nje ekskursion te plote ditor ne disa prej vendeve me ikonike te Balit. Kjo dite do te na njohe me bukurine e natyres dhe trashegimine shpirterore te ishullit.

Ndalesa e pare do te jete Tempulli Ulun Danu Beratan, nje nga pamjet me te njohura te Balit. I vendosur buze liqenit Beratan dhe i rrethuar nga male te gjelbra, ky tempull duket sikur qendron mbi siperfaqen e ujit. Atmosfera e qete dhe peizazhi piktoresk e bejne kete vend ideal per fotografi dhe per te perjetuar nje nga simbolet e kultures balineze.

Me pas do te vazhdojme drejt Handara Gate, portes monumentale qe eshte kthyer ne nje prej pikave me te famshme fotografike te ishullit. E rrethuar nga kodra te gjelbra dhe bimesi tropikale, ajo perfaqeson bukur arkitekturen tradicionale balineze dhe ofron nje sfond te mrekullueshem per fotografi.

Pika kulmore e dites do te jete Tempulli Tanah Lot, nje prej tempujve me te veçante te Balit, i vendosur mbi nje formacion shkembor ne brigjet e Oqeanit Indian. I njohur per pamjet spektakolare, veçanerisht ne oret e perendimit te diellit, Tanah Lot eshte nje vend ku natyra dhe spiritualiteti bashkohen ne nje panorame te paharrueshme.

Ne mbremje do te shijojme nje shfaqje tradicionale vallezimi balinez, ku kostumet shumengjyreshe, muzika dhe levizjet karakteristike tregojne histori te trasheguara nder breza. Mbremja do te perfundoje me darke dhe kthimin ne hotel.

Vaktet: Mengjes, dreke dhe darke te perfshira.

3️⃣Dita e trete - Ujevara Tegenungan, Tempulli Tirta Empul dhe tarracat e orizit Tegalalang

Nje udhetim ne zemren natyrore dhe shpirterore te Balit.

Pas mengjesit, do te nisemi per nje dite te mbushur me peizazhe tropikale, tradita lokale dhe vende me rendesi te veçante kulturore.

Eksplorimi do te filloje te Ujevara Tegenungan, nje nga ujevarat me te njohura prane Ubudit. E rrethuar nga bimesi e dendur tropikale, ajo krijon nje atmosfere freskuese dhe ofron pamje mbreselenese per fotografi. Tingulli i ujit dhe gjelberimi perreth e bejne kete ndalese nje pervoje te veçante per adhuruesit e natyres.

Me pas do te vizitojme Tempullin Tirta Empul, nje vend i shenjte hindu i njohur per burimet e tij natyrore te ujit, te cilat kane nje rendesi te veçante ne ritualet tradicionale te pastrimit shpirteror. Gjate vizites do te kemi mundesi te njohim me nga afer zakonet dhe besimet e popullsise vendase, si dhe arkitekturen karakteristike te tempujve balineze.

Udhetimi do te vijoje drejt Tegalalang Rice Terraces, tarracave te famshme te orizit qe shtrihen ne kodra te gjelbra dhe krijojne nje nga peizazhet me ikonike te ishullit. Sistemi tradicional i ujitjes, i njohur si subak, pasqyron lidhjen e ngushte te komuniteteve lokale me token dhe natyren.

Ketu mund te shijojme nje shetitje mes tarracave, te fotografojme panoramat e mrekullueshme ose, per ata qe deshirojne pak me shume adrenaline, te provojme Bali Swing (opsionale, sipas deshires).

Gjate dites do te ndalemi gjithashtu ne nje plantacion tradicional kafeje dhe kakaoje. Do te njihemi me procesin e pergatitjes se kafese balineze dhe do te kemi mundesi te provojme lloje te ndryshme kafeje, çajrash dhe kakaoje. Provimi i kafese Luwak mund te ofrohet si eksperience opsionale.

Pas drekes, do te vizitojme Sacred Monkey Forest Sanctuary, pyllin e famshem te majmuneve ne zemer te Ubudit. Ky rezervat natyror perfshin shtigje te gjelbra, peme te larta tropikale dhe tempuj hindu te lashte, duke krijuar nje ambient ku natyra, kultura dhe spiritualiteti bashkejetojne. Gjate shetitjes do te kemi mundesi te vezhgojme majmunet ne habitatin e tyre natyror, duke respektuar rregullat e sigurise dhe duke shmangur kontaktin e drejtperdrejte me ta.

Ne fund te dites do te kthehemi ne hotel, me mbremjen te lire per relaks ose per te shijuar jeten e gjalle te Ubudit.

Vaktet: Mengjes dhe dreke e perfshire.

4️⃣Dita e katert - Tempulli Lempuyang, Porta e Parajses dhe pallati ujor Tirta Gangga

Bali Lindor: panorama madheshtore, tempuj te shenjte dhe kopshte mbreterore.

Kjo dite do te filloje heret ne mengjes, pasi do te udhetojme drejt Balit Lindor per te zbuluar disa prej vendeve me te fotografuara dhe me te veçanta te ishullit.

Destinacioni yne i pare do te jete Tempulli Lempuyang, i njohur nderkombetarisht per porten e tij monumentale, te quajtur shpesh Gate of Heaven – Porta e Parajses. I vendosur ne shpatet e malit Lempuyang, kompleksi ofron pamje mahnitese drejt malit Agung dhe perfaqeson nje nga vendet me te rendesishme te tradites fetare balineze.

Perveç rendesise shpirterore, tempulli eshte veçanerisht i famshem per fotografite e tij ikonike. Per shkak te popullaritetit te madh, mund te kete radhe per fotografi, ndaj vizita e hershme eshte e rendesishme.

Me pas do te vazhdojme drejt Tirta Gangga Water Palace, nje ish-rezidence mbreterore e njohur per kopshtet e saj elegante, pellgjet me uje te paster, statujat dekorative dhe shatervanet. Shtegu me gure mbi pellgje krijon nje ambient te veçante, ku mund te shijojme qetesine dhe bukurine e arkitektures tradicionale.

Pas vizitave do te ndalemi per dreke ne nje restorant lokal, perpara se te vijojme udhetimin drejt jugut te Balit.

Pas mberritjes do te bejme sistemimin ne hotel ne zonen e Seminyak. Pjesa e mbetur e dites do te jete e lire per te pushuar, per te shijuar plazhin ose per te eksploruar restorantet, kafenete dhe dyqanet e zones.

Vaktet: Mengjes dhe dreke e perfshire.

5️⃣Dita e peste - Ekskursion ne ishullin Nusa Penida dhe eksperience snorkeling

Nje parajse tropikale me shkembinj dramatike, plazhe ekzotike dhe ujera bruz.

Pergatituni per nje nga ditet me emocionuese te udhetimit! Pas mengjesit te hershem, do te transferohemi drejt portit te Sanurit, ku do te marrim varken e shpejte per ne ishullin Nusa Penida.

I vendosur prane Balit, Nusa Penida eshte i njohur per vijen e tij bregdetare spektakolare, shkembinjte e larte, gjiret me ujera te kristalta dhe panoramat qe duken si kartolina tropikale.

Eksperienca jone do te perfshije nje aktivitet snorkeling, gjate te cilit do te kemi mundesi te zbulojme boten nenujore te zones. Pikat e snorkeling mund te perfshijne Crystal Bay, Gamat Bay, Wall Point ose Manta Bay, ne varesi te kushteve te motit dhe detit. Vezhgimi i rrezeve manta nuk garantohet, pasi behet fjale per faune te eger ne habitatin e saj natyror.

Pas kesaj eksperience do te eksplorojme disa prej atraksioneve me te famshme te ishullit.

Kelingking Beach eshte padyshim nje nga pamjet me ikonike te Nusa Penida-s. Shkembinjte e tij marrin nje forme qe te kujton silueten e nje dinosauri, ndersa ujerat blu te oqeanit krijojne nje kontrast mahnites me shkembinjte e gjelber. Pamja panoramike nga lart eshte spektakolare dhe ideale per fotografi.

Me pas do te vizitojme Angel’s Billabong, nje formacion natyror shkembor ku uji krijon pellgje me ngjyra te mrekullueshme prane oqeanit. Ky vend eshte veçanerisht mbreselenes per format e tij natyrore dhe pamjet drejt detit. Per shkak te dallgeve dhe rrymave, nuk rekomandohet hyrja ne uje kur kushtet jane te pasigurta.

Ndalesa tjeter do te jete Crystal Bay, nje gji i bukur me ujera te kristalta dhe peizazhe tropikale. eshte nje nga zonat me te njohura per relaks dhe snorkeling, kur kushtet e detit e lejojne.

Gjate dites do te shijojme dreken ne ishull dhe, pas perfundimit te programit, do te kthehemi me varke drejt Balit. Nga porti i Sanurit do te transferohemi ne hotelin tone ne Seminyak ose Kuta.

Duhet pasur parasysh se rruget ne Nusa Penida mund te jene te ngushta dhe me gunga, ndersa disa pika panoramike kerkojne ecje. Vizita do te realizohet sipas kushteve lokale dhe kohes ne dispozicion.

Vaktet: Mengjes dhe dreke e perfshire.

6️⃣Dita e gjashte - GWK, Tempulli Uluwatu, Kecak Dance dhe darke ne Jimbaran

Nje perfundim magjik mes kultures, oqeanit dhe traditave balineze.

Pas mengjesit ne hotel, do te kemi kohe te lire per te pushuar ose per te shijuar nje shetitje te shkurter ne plazh.

Pasdite do te nisemi per te zbuluar disa prej atraksioneve me te veçanta te jugut te Balit.

Vizita e pare do te jete ne Garuda Wisnu Kencana Cultural Park (GWK), nje park kulturor i njohur per statujen monumentale te hyjnise Vishnu mbi Garuda, nje nga simbolet me te dallueshme te ishullit. Parku perfshin hapesira te medha, elemente te artit tradicional dhe pamje panoramike.

Me pas do te vazhdojme drejt Tempullit Uluwatu, i vendosur ne maje te shkembinjve rreth 70 metra mbi Oqeanin Indian. Ky tempull eshte nje nga vendet me mbreselenese te Balit, ku arkitektura tradicionale, deti i pafund dhe shkembinjte e larte krijojne nje panorame te jashtezakonshme.

Ne oret e perendimit do te ndjekim Kecak Dance, nje shfaqje tradicionale balineze e njohur per korin ritmik te interpretuesve dhe skenat e frymezuara nga epika Ramayana. E zhvilluar ne nje ambient spektakolar prane oqeanit, kjo performance eshte nje menyre e veçante per te njohur trashegimine kulturore te Balit.

Mbremja do te perfundoje ne Jimbaran Beach, ku do te shijojme nje darke me fruta deti prane detit, ne nje atmosfere te qete tropikale. Tingulli i dallgeve dhe flladi i oqeanit do te krijojne mbylljen ideale te dites sone te fundit te plote ne Bali.

Pas darkes do te kthehemi ne hotel.

Vaktet: Mengjes dhe darke e perfshire.

7️⃣Dita e shtate - Lamtumire Bali

Dite e lire per relaks plazh ne Seminayak.

Pasdite, do te largohemi nga Bali me kujtime te bukura nga tempujt e tij madheshtore, natyra tropikale, plazhet ekzotike, shijet tradicionale dhe mikpritja e veçante balineze.

Ne cmim perfshihet:

• Fluturimi vajtje ardhje me bagazh 20kg + valixhe kabine 8kg
• Akomodimi 6 nete ne hotele me 4 yje (Ubud dhe Seminayak)
• Mengjeset cdo dite
• 4 dreka te perfshira sipas programit
• 2 darka te perfshira sipas programit
• Transporti me automjet komod gjate gjithe udhetimit
• Te gjitha hyrjet ne aktivietet e permendura ne program
• Guide lokale ne anglisht
• Shoqerues shqiptar nga agjencia

Ne cmim nuk perfshihet:

• Cdo gje qe nuk eshte permendur ne program
• Bakshishet

PERSE TE ZGJIDHNI BALI PER PUSHIMET TUAJA?

Bali eshte nje destinacion qe ofron shume me teper se plazhe te bukura. eshte nje ishull ku çdo dite sjell nje pervoje te re: tempuj te rrethuar nga natyra, tarraca orizi qe shtrihen mbi kodra, ujevara mes xhungles, fshatra tradicionale dhe perendime dielli mbi oqean.

Ky itinerar eshte menduar per te kombinuar zbulimin e kultures lokale me bukurine natyrore dhe momentet e relaksit. Nga atmosfera e qete e Ubudit te panorama spektakolare e Nusa Penida-s dhe mbremjet buze detit ne jug te Balit, çdo dite ofron diçka te veçante.

Udhetimi ne grup eshte gjithashtu nje mundesi per te ndare eksperienca te bukura, per te krijuar njohje te reja dhe per te zbuluar nje destinacion ekzotik ne nje menyre te organizuar.

A jeni gati te zbuloni magjine e Balit?